Ядегәр МЙында — модернизация һәм балалар өчен театр бәйрәме

2026 елның 7 апреле, сишәмбе

Авылда «Мәдәният» милли проекты буенча клубны ремонтладылар — ул 2023 елда ачылган. Монда 182 урынлык концерт залы, китапханә, сайлау участогы һәм түгәрәкләр өчен бүлмәләр бар. Иҗат өчен шартлар балаларга да, өлкәннәргә дә тудырылган.

Ә Бөтендөнья театр көне алдыннан «Гаилә» милли проектын хуплап Мәдәният йортында «Театрның сихри дөньясы» программасы узды. Кече сыйныф укучылары театр тарихы һәм кагыйдәләре, театр һөнәрләре, сәхнә төрләре (курчак, күләгә, бармак, опера һ.б.) белән танышты. Аннары үзләрен актер ролендә сынап карадылар: пантомима, театраль разминка, күләгә театры, мимика һәм ишаралар белән эмоцияләрне тапшыру. Чара бай, гыйбрәтле һәм бик тере булды — балалар кызыксынып процесска кушылды.