Райондашыбыз фин-угор халыкларының төбәкара фольклорында катнашты

Ненец автоном өлкәсенең Нарьян-Мар шәһәрендә фин-угор халыкларының 5нче төбәкара фольклор конкурсы үтте. Бу бәйгедә районыбызның Югары Шөн авылы кызы Олеся Полатова катнашты. Үзенең чыгышларында удмурт халкының милли традицияләрен, иҗатын чагылдырып, ул зур җиңү яулады һәм “Печоряночка-2013” исеменә лаек булды. Олеся бүгенге көндә Удмурт дәүләт университетының удмурт филологиясе факультетында белем ала.