«Күрше» фестивале җәйге сезонны ача: 1 млн сумга кадәр грант

2026 елның 13 мае, чәршәмбе

Татарстанда популяр булган «Күрше» фестивале кире кайта. Проект эшләгән чорда Кукмарада 192 чара уздырылган. Яңа сезон тагын да күбрәк мөмкинлекләр вәгъдә итә: озак вакытлы инициативалар өчен «Күрше. Мирас» юнәлеше эшләтеп җибәрелә.

Гаризалар 24 майга кадәр кабул ителә. Ярдәм суммалары:
• Юридик затлар — 500 000 сумга кадәр
• Физик затлар — 300 000 сумга кадәр
(20% кушымча финанслау шарты белән)

Быел беренче тапкыр «Күрше. Мирас» юнәлеше эшли: 1 июльдән 13 сентябрьгә кадәр катнашучылар арт-объектлар, фотокүргәзмәләр, китаплар, тематик кичәләр һәм санлы архивлар әзерли ала. Бу тректа грант күләме 1 млн сумга кадәр җитә.

Ишегалдыгызны яки яраткан урамыгызны бөтен Кукмара районы өчен тарту үзәгенә әверелдерү мөмкинлеген кулдан ычкындырмагыз!