«Блокада икмәге» һәм якташлар батырлыгы: Кукмара туган як музее 9 Майны ничек каршы алды
Кукмара районы туган як музее мәдәният инфраструктурасын һәм туристик потенциалны үстерү милли проекты кысаларында Бөек Ватан сугышында Җиңүнең 81 еллыгына багышланган чаралар үткәрде. 9 Май — халыкның батырлык һәм бердәмлек символы, ветераннарга, сугыш балаларына һәм тыл хезмәтчәннәренә рәхмәт көне.
Комсомол мәйданында музей хезмәткәрләре блокадалы Ленинград тормышын реконструкцияләү белән «Блокада икмәге» театральләштерелгән тамашасын оештырды. Кунаклар өчен фотозона, шулай ук «Районның Җиңүгә керткән өлеше» дигән кубиклар рәвешендәге мәгълүмат стенды эшләде, анда сугыш елларында Кукмара районы халкының хезмәт батырлыклары турында фактлар тәкъдим ителде.
Чара халыкка якташлар батырлыгын искә төшерү генә түгел, ә яңа тарихи детальләр белергә мөмкинлек бирде. Мондый инициативалары, шул исәптән барлык буыннар өчен гаилә кыйммәтләрен ныгытуга һәм мәдәният инфраструктурасын үстерүгә юнәлдерелгән «Гаилә» милли проекты кысаларында гамәлгә ашырыла. 🕊