«Мәхәббәт ераклыклардан да көчлерәк»: СВО зонасыннан кияү белән аның кәләше гаилә корды
Гаилә, мәхәббәт һәм тугрылык көнендә Кукмара районында бик тәэсирле вакыйга булды — тагын бер ныклы яшь гаилә барлыкка килде. Район ЗАГСында Эдуард Сергеев белән Югары Чура авылыннан Кристина Егорова мөнәсәбәтләрен рәсми теркәделәр.
Бу көн аерым дулкынландыргыч булды, чөнки кияү Эдуард хәзер махсус хәрби операция зонасында, анда ул батырларча Ватаныбызны саклый. Никах тантанасы җылы һәм күңелле атмосферада узды, яшьләрне котларга һәм хупларга туганнары һәм якыннары килде.
Район Башкарма комитеты җитәкчесе урынбасары Айгөл Багаманова яңа гаиләгә мәхәббәт, сабырлык һәм тугрылыкның матур үрнәге булырга теләде, ә Югары Чура авыл җирлеге башлыгы Айрат Галимуллин бу көн яшьләр өчен генә түгел, ә аларның барлык якташлары өчен дә шатлыклы булуын билгеләде.
Без чын күңелдән котлауларга кушылабыз һәм Эдуард белән Кристинага озын, бәхетле тормыш, үзара аңлашу, тынычлык һәм иминлек телибез! Ә Эдуардка — өенә Җиңү белән тизрәк кайту телибез!