Татарстанда янгынга каршы махсус режим кертелде

Яңа ел бәйрәме чаралары вакытында янгын куркынычсызлыгын тәэмин итү, гражданнарның тормышын һәм сәламәтлеген, физик һәм юридик затларның, дәүләт һәм муниципаль мөлкәтне саклау максатыннан Татарстан Республикасы Президенты Указы нигезендә 2013 елның 15 декабреннән 2014 елның 1 февраленә кадәр Татарстан Республикасы территориясендә янгынга каршы махсус режим кертелде.
Әлеге Указ нигезендә шушы вакыт аралыгында
-промышленность, транспорт инфраструктурасы һәм ягулык-энергетик комплексы объектларына кадәр 1000метр дан якынрак арада;
-торак-көнкүреш хезмәте, авыл хуҗалыгы объектлары һәм халык күп җыелган объектлар янәшәсеннән 300 метр якынрак арада пиротехник изделиеләрне куллану тыела.
Россия Федерациясенең административ кодексы нигезендә әлеге режимны бозучы гражданнарга 2 мең сумнан 4 мең сумга, вазыйфаи затларга 15 мең сумнан 30 мең сумга, юридик затларга 400 мең сумнан 500 мең сумга кадәр штраф каралган.