Ядегәрдә Балаларны яклау көненә уеннар, биюләр һәм татлы бүләкләр белән бәйрәм оештырдылар
«Мәдәният» милли проекты (2025 елдан аны «Гаилә кыйммәтләре һәм мәдәният инфраструктурасы» региональ проекты һәм «Гаилә» милли проекты алмаштырды) кысаларында Ядегәр авылында авыл клубын ремонтладылар. Объект 2023 елда файдалануга тапшырылды. 182 урынлык яңа концерт залыннан тыш, монда китапханә, сайлау участогы һәм түгәрәкләр өчен кабинетлар бар. Авыл Мәдәният йорты халыкның аралашу, үзара эш итү һәм иҗат сәләтләрен үстерү үзәге булып тора.
1 июньдә, Балаларны яклау көнендә, Ядегәр авыл Мәдәният йортында «Күңелле балачак илендә» дигән уен программасы узды. Әкият геройлары белән бергә балалар күңелле сәяхәткә юл алды, мавыктыргыч уеннарда катнашты, викторина сорауларына җавап бирде, Карачкы карчыгының табышмакларын чиште һәм Буратино белән бергә бию башкарды.
Бәйрәм күңелле дискотека белән тәмамланды. Балалар хәрәкәтле уеннарда бик теләп катнашты, интеллектуаль сәләтләрен күрсәтте. Балачак бәйрәме уңышлы үтте һәм барлык катнашучыларга елмаюлар, көлке һәм, әлбәттә, татлы бүләкләр бүләк итте.