Наркотикларга каршы комиссиянең бу елга соңгы утырышы узды

Татарстан Республикасы Министрлар Кабинетында наркотикларга каршы республика комиссиясенең бу елдагы соңгы утырышы үткәрелде. Видео режимындагы бу утырышта безнең районның наркотикларга каршы комиссиясе әгъзалары: район башлыгы ярдәмчесе Гөлшат Нурмөхәммәтова, район Башкарма комитеты җитәкчесенең социаль мәсьәләләр буенча урынбасары Рузалия Галиева, Татарстан Республикасының Хезмәт һәм мәшгульлек һәм социаль яклау министрлыгының Кукмара районындагы социаль яклау бүлеге җитәкчесе Светлана Җамалиева, Россия Эчке эшләр министрлыгының Кукмара районы буенча бүлегенең полиция начальнигы Рамил Нургалиевлар катнашты.