Кукмараның "Аргамак" командасы Түбән Камадан җиңү белән кайтты

Түбән Кама шәһәрендә мөмкинлекләре чикләнгәннәр арасында республикакүләм чаңгы ярышы узды. Бәйгедә Кукмараның “Аргамак” командасы да катнашып, призлы урыннар алып кайтты. Шәхси беренчелеккә чаңгыда узышуда Кукмарадан Валентина Борисова һәм Сәрдекбаштан Илгиз Якуповлар икенче урынга чыктылар. Эстафетада исә Валентина Борисова, Мөнир Гыймадиев, Илгиз Якуповлардан торган команда дүртенче урынны алды. Илнар Сабиров, Валерий Николаевлар да командага очколар туплауда үз өлешләрен керттеләр. Бу хакта команда тренеры Дамир Галиәхмәтов хәбәр итте.