Мәдәният елы кысаларында “Җырымда юатырмын” дип исемләнгән концертлар дәвам итә

Мәдәният елы кысаларында “Җырымда юатырмын” дип исемләнгән концертларыбыз дәвам итә.Авыл мәдәният йортлары белән берлектә, халыкка социаль хезмәт күрсәтү үзәгенең социаль тернәкләндерү бүлегендә ял итүчеләр өчен бәйрәм оештырабыз. Бу чараның төп максаты: бер-беребезгә якынаеп, аралашып, бердәмләшеп яшәү, үткән истәлекле, кадерле көннәрне искә төшереп, күңелләрне сафландыру, яшәү мәгънәсе турында уйлану, матурлыкка- күңел матурлыгына омтылу. Январь аенда Ятмас- Дусай авылы клубы, февраль аенда Әсән- елга клубы үзләренең иң оста башкаручылары белән бик матур концертлар күрсәтте. Моңлы җырлар, яңа җырлар, “Ләйсән”, “Хыял” бию ансамбльләре чыгышы, нәфис сүз осталары- барсы да өлкәннәр күңеленә хуш килде. Өлкәннәрнең чын күңелдән әйткән рәхмәте, аларны яңа чыгышларга рухландырсын.