Бөтенроссия татар авыллары эшмәкәрләре җыенында кукмаралылар да катнашты

Казанда өченче Бөтенроссия татар авыллары эшмәкәрләре җыены узды. Бөтендөнья татар конгрессы Башкарма комитеты һәм Бөтенроссия татар авыллары иҗтимагый оешмасы оештырган проектта Россиянең 33 төбәгеннән һәм Татарстаннан 400 делегат катнашты. Кунаклар һөнәрчелек товарлары һәм хәләл продукцияләр урнаштырылган күргәзмә-ярминкәдә булдылар, сукырлар өчен уку-тернәкләндерү мөселман үзәге һәм “Ярдәм” мәчете белән таныштылар, Самара өлкәсенең Гали авылына бардылар.

Әлеге чарада районыбыздан Олыяз гаилә фермасы башлыгы Рафис Галиев, Өлге авылыннан умартачылык белән шөгыльләнүче Дамир Бариев катнашты.

Россиядә барлыгы 4 меңнән артык татар авылы исәпләнә, аларда тел, милли һәм дини традицияләребез саклана.