“Кояшкай”да бәйрәм

Язгы каникуллар башлану белән “Кояшкай” социаль приютында, тәрбиячеләр Фазлыева Эльмира, Сафина Әлфия “Масленица” бәйрәме үткәрделәр. Рус халык әйтеме буенча, бу бәйрәмне күңелле итеп үткәрсәң, елны да шулай үткәрерсең, дигән ышану бар. Шуңа күрә, балаларның һәм аларның әти-әниләренең күңелләрен күтәрү өчен барлык төр чаралар күрелде: биюләр, табышмак чишүләр, хәрәкәтле уеннар, күңелле җырлар, конкурслар үткәрелде. Бәйрәмнең күрке Мәүлия апа Нурдәүдәтова һәм әти-әниләр пешергән беленнәр белән чәй эчү булды. Соңыннын саламнан ясалган карачкы яндырылды.