"Оста куллар"да балалар бәйләргә өйрәнәләр

Тырыш авылы китапханәсендә “Оста куллар “ клубының чираттагы очрашуы булды. Ул "Бәйләү – үзе бер осталык" дигән темага багышланган иде. Биредә балалар бәйләү нечкәлекләренә төшенделәр. Икенче көнне биредә үк балалар өчен "Балачак иленә сәяхәт" клубының чираттагы утырышы уздырылды. Әлеге утырышта балаларны матур әдәбият белән таныштырдылар, яңа кайткан китапларны тәкъдим иттеләр, пластилиннан һәм төсле кәгазьләрдән уенчыклар ясарга өйрәттеләр, төрле мавыктыргыч уеннар оештырдылар.