Туган як сукмаклары буйлап

29 март көнне “Кояшкай” социаль приютында “Туган як сукмаклары буйлап” дип аталган конкурс-сәяхәт үткәрелде. Залга табигатькә һәм аның язмышына карата битараф булмаган балалар җыелды. Алар җәнлекәр, кошлар, туган ягыбызның үсемлекләр дөньясы турында сөйләштеләр. Уен табигать дөньясына сәяхәт булды. Конкурс барышында балаларга җиңел булмаган табышмаклар әйтелде. Кемнәр хайваннар белән күбрәк кызыксына, шулар табышмакларны тизрәк чиштеләр, чөнки зоологик типтагы табышмаклар бирелгән иде. Беренче конкурс “Безнең кошларыбыз” дип аталган блиц-турнир иде. Кошлар безнең тирәбездә яшиләр, ләкин без алар турында бик аз беләбез.
Икенче конкурс “Бу кош кайсы әкияттән?” дип аталган мини-викторина булды. Ел саен туган ягыбызга ямьле яз килә. Кошлар туган якларына әйләнеп кайта. Кош көннән-көн җылырак, яктырак була бара. Өченче конкурс “Кояшны төзе” дип аталды.
Г.Х. Андерсен “Яшәр өчен безгә кояш, ирек һәм кечкенә чәчәк кирәк” дип язган. Чыннан да, чәчәчкләр безне гомер буе озата баралар: туган вакытта каршы алалар, туйда сөендерәләр, картлыкта юаталар. Өйдә дә, эштә дә, язда да, суыкта да – алар кирәк. Аларның матурлыгы безгә көч бирә, юата. Балалар белән чәчәкләр турында да сөйләштек, туган як табигате турында күбрәк белгән саен, аңа карата сакчылрак була барабыз бит. Алдагы конкурс “Бу нинди чәчәк?” дип аталды.
Без табигатьне еш кына могҗизалы дип атыйбыз. Чыннан да ул табышмаклар һәм серләр белән тулы... Могҗизалы табигатьтә кунакта булып, җәнлекләр, балыклар, бөзәкләр турындагы сорауларга җавап биреп, анаң серләрен ачарга тырыштык. Аннан соң балалар актерлык осталыкларын күрсәттеләр. Патомимо рәвешендә төрле җәнлекләрне күрсәттеләр.
Шуның белән безнең табигатькә булган сәяхәтедез тәмамлнды. Бу сәяхәттән соң балаларкошлар һәм хайваннар дөньясы белән күбрәк кызыксынырлар, кошларның сайрауларын игътибарлырак тыңларлар дип ышанып калабыз.

Абдулахатова Ф.Г.
“Кояшкай” социаль приюты тәрбиячесе