“Олимп” Боз сараенда тимераякта фигуралы шуу буенча Космонавтика көненә багышланган Ачык беренчелек үтте

11-12 апрель көннәрендә Кукмара муниципаль районында тимераякта фигуралы шуу буенча Космонавтика көненә багышланган Ачык беренчелек үтте. Ярышларда Казан, Питрәч, Яр Чаллы, Зәй, Баулы, Волжск, Мамадыш шәһәрләреннән 150 спортчы катнашты. Ярыш нәтиҗәләре буенча “Олимп” балалар һәм яшүсмерләр мәктәбендә тәрбияләнүчеләр түбәндәге нәтиҗәләргә ирештеләр:
Мухутдинова Замира - III урын, «Яшь фигурист» программасы буенча 2006 елгы кызлар арасында;
Хасанов Султан –II урын, II яшүсмерләр разряды буенча;
Шаймарданова Азиза – I урын, яшүсмерләр разряды буенча;
Гиниятов Булат – III урын, III яшүсмерләр разряды буенча;
Аглямзянова Аделя – II урын, I спорт разряды буенча.

«Олимп» балалар һәм яшүсмерләр мәктәбе администрациясе ярышларны үткәрер өчен матди ярдәм күрсәткәне өчен Кукмара металл савыт-сабалар заводы директоры А.Я.Загидуллинга, Кукмара киез итек фабрикасы директоры Ш.М. Ахметшинга, “Стройком” ААҖ директоры В.М. Ахатовка, “Метоллодизайн” ААҖ директоры Р.Р. Ганиевка, Өлге авылыннан Бариевларга, Кукмарадан И.Г. Каюмовка, В. Аланыннан С. Овечкинга зур рәхмәт белдерә.
Җиңүчеләрне котлыйбыз, уңышлар телибез!