Дүшәмбе киңәшмәсендә район башлыгы һәр тармакка бурычлар билгеләде

Район башлыгы Рауил Рәхмәтуллин үткәргән дүшәмбе киңәшмәсендә язгы кыр эшләрен оешкан төстә башлау, хезмәт куркынычсызлыгы кагыйдәләрен төгәл үтәү, терлекчелектә сөт җитештерүне арттырып, көнлек сөт сатуны 155 тоннага җиткерү бурычы куелды. Санитар-экологик икеайлык кысаларында әйләнә-тирәбезне тәртипкә китерү, төзекләндерү буенча зур күләмле хезмәт каралган. Аларны сыйфатлы итеп башкару, чисталыкны саклау һәркемнең намус эше булып санала. Киңәшмәдә шулай ук дәүләт программалары нигезендә бара торган төзү-ремонт эшләре барышы, 9 май бәйрәменә әзерлек турында сөйләшенде.