Аш-Буҗи авыл китапханәсендә “Мәдәният дөньясында” дигән интеллектуаль уен-марафон үткәрелде

22 апрель көнне Аш-Буҗи авыл китапханәсендә “Мәдәният дөньясында” дигән интеллектуаль уен-марафон үткәрелде. Бәйрәмне Ярмиева Алсу алып барды. 2, 4 сыйныф укучыларыннан 12 бала катнашты.
Бәйрәм уен формасында үтте. Укучылар “Тапкырлар” һәм “Зирәк-ләр” командаларына бүленеп ярыштылар. “Соравы миннән, җавабы сездән” дип аталган уен уйнатылды. Табышмакларга җавап бирделәр, “Көйне таны” уены уйнатылды. Укучылар кичә барышында язучылар һәм композиторлар иҗаты белән таныштылар, Казанда нинди театрлар бар икәнен белделәр. Кичә барышында укучыларга “Мәдәният дөньясында” исемле презентация күрсәтелде. Укучылар бик актив булдылар, ахырдан нәтиҗә ясалды һәм истәлекле бүләкләр тапшырылды. Кичә “Туган тел” җыры белән тәмамланды.