Кукмара районында язгы кыр эшләре бара

Һава торышы көйсез торса да, районыбыз кырларында язгы кыр эшләре дәвам итә. Авыл хуҗалыгы һәм азык-төлек идарәсеннән алынган мәгълүматларга караганда, бүгенгә район буенча барлыгы 2 мең гектарда уҗым культуралары, 4500 гектарда күпьеллык үләннәр тырмаланган, 8300 гектарда күпьеллык үләннәргә, 7 мең гектарда уҗымнарга минераль ашламалар кертелгән. 3 мең гектардан артык мәйданда туңга сөрелгән җирләрдә дым каплатылган. Чәчүгә 2 мең тонна орлык агуланды, 800 тонна бәрәңге орлыгы араланды.