"Чулпан" балалар бакчасына йөрүчеләр "Яшь янгын сүндерүчеләр" дигән чарада катнашты

Кукмараның “Чулпан” балалар бакчасында “Яшь янгын сүндерүче” дигән чара үткәрелде. “Янгын сүндерүчеләрне чакыру”, “Янгын сүндерү шлангын җыю” һәм башка төрле уеннар оештырылды. Бирегә Кукмара районы буенча янгын күзәтчелеге бүлеге дознавателе Эльбрус Әхмәтҗанов килде. Ул фатирда янгын чыккан очракта үзеңне ничек тотарга кирәклеген сөйләде, балаларга “Уттан сакланыгыз” дигән фильм күрсәтте, соңыннан аларга грамоталар һәм истәлек бүләкләре тапшырды, дип хәбәр итте өлкән тәрбияче Юлия Мусина.