Кукмара районы 25 дәүләт программасында катнаша

Питрәчтә дәүләт программаларын үтәү мәсьәләләренә багышланган зона киңәшмәсе үткәрелде. Анда безнең районнан башкарма комитет җитәкчесе Райнур Нотфуллин һәм подряд оешмалары җитәкчеләре катнашты. Җыелышта программалар буенча барган эшләрне 1 августка кадәр төгәлләү бурычы куелды. Районыбыз 25 программада катнаша. Шулар арасыннан күпфатирлы йортларга индивидуаль җылылык котеллары урнаштыру, Зур Кукмарада мәдәният йорты, 3 балалар бакчасы төзү зур темплар белән бара. Бүгенге көндә Илсур Шәрипов җитәкчелегендәге оешма Зур Сәрдектә төзелүче балалар бакчасы бинасының түбәсен ябуга кереште.