Кукмарада район Советының 35нче сессиясе булды

Районда конфессияләр һәм милләтара мөнәсәбәтләрнең торышы, җәмәгатьчелек куркынычсызлыгын тәэмин итү буенча алда торган бурычлар турында район башлыгы урынбасары Равия Каримуллина, район прокуроры Минемулла Нәҗипов, Татарстан Дәүләт Советы рәисе урынбасары Римма Ратникова чыгыш ясады. 2014 елның 1 кварталында бюджет үтәлеше буенча район финанс-бюджет палатасы рәисе Илнур Сәмигуллиның хисабы, балаларның җәйге ялларын оештыру мәсьәләсе буенча район яшьләр һәм спорт эшләре идарәсе җитәкчесе Ягъфәр Зыятдинов, район мәгариф идарәсе җитәкчесе Роберт Мансуровларның чыгышлары тыңланды. Калган көн тәртипләре буенча район Советы юристы Ирина Ходова, башкарма комитеты юристы Альмир Гафуровларга сүз бирелде.

Сессия эшен район башлыгы урынбасары Равия Каримуллина алып барды. Йомгаклау сүзе белән район башлыгы Рауил Рәхмәтуллин чыкты һәм һәр тармак буенча төгәл бурычлар куйды.