"Күз чишмәсе"нә сәяхәт

Кукмара районында истәлекле матур урыннар бик күп. “Талсым” халыкка комплекслы социаль ярдәм күрсәтү үзәге хезмәткәрләре һәм анда йөрүче ветераннар Ятмас Дусай авылына сәяхәт кылдылар. Ятмас Дусай авылы үзенең Күз чишмәсе белән дан казанган. Анда үзебезнең район кешеләре генә түгел, ераклардан килгән кешеләр дә еш булалар, чөнки әлеге чишмә суы шифалы үзлекләргә ия. Чишмә суы белән юынсаң, күрү яхшыра, сукырлар күрә башлый, дигән сүзләр дә бар. Шифалы чишмә суы алып, табигатьнең матурлыгына сокланып, ветераннар табигать кочагында “пикник” оештырдылар, ретро җырлар җырладылар, тормыш юлларыннан истәлекле хәтирәләр белән уртаклаштылар. Әлеге чара күңелле үтте, һәркем дә бик канәгать калды.