Дүшәмбе киңәшмәсендә район башлыгы һәр тармакка бурычлар билгеләде

Район башлыгы Рауил Рәхмәтуллин үткәргән дүшәмбе киңәшмәсендә авыл хуҗалыгында терлек азыгы җыю, игеннәрне урып-җыюга техниканы хәзерләү, терлек каралты-кураларын ремонтлау мәсьәләләре турында сөйләшенде. Ә төзелеш тармагында дәүләт программасы нигезендә төзелеш-ремонт эшләрен дәвам итү бурычы тора. Шулай ук балаларның җәйге ялын оештыру, укучыларның чыгарылыш кичәсенә әзерләнү, санитар-чисталык һәм башка мәсьәләләр турында фикер алышынды, һәр тармак буенча төгәл бурычлар куелды.