Район Советында укулар үтте

Район Советында дини радикаль агымнар үтеп керүенә юл куймау һәм дини экстремизмны кисәтү буенча эшче төркемнең карарын тормышка ашыру максатында укулар үтте. Укуны республикабыз Президенты Аппаратының дини берләшмәләр белән багланышлар идарәсенең баш киңәшчесе Ләззәт Хәйдәров һәм тарих институтының ислам бүлеге мөдире Дамир Шаһавиев үткәрде. Әлеге чарада традицион булмаган дини агымнар, экстремистлык һәм террор белән шөгыльләнүче оешмалар турында тулы, тирән эчтәлекле мәгълүмат бирелде.