Районыбызның Әсән-Елга авылында яшәүче әби бүген үзенең 100 яшен тутырды

Әсән-Елга авылында яшәүче Әхмәтталипова Гамилә Закир кызы  үзенең 100 яшьлек олы юбилеен билгеләп үтә. Гасыр әбисен Район Башлыгы Рауил Рәхмәтуллин тәбрикләп, аңа Россия Президентының котлау открыткасын, үзенең Рәхмәт хатын һәм истәлек бүләген тапшырды. Шулай ук “Әсәнбаш” агрофирмасының генераль директоры Илдар Гарифуллин, Пычак авыл җирлеге башлыгы Габделфәт Нәфыйков, Кукмара мөселман хатын-кызлар иҗтимагый берлеге рәисе Гөлсинур Аксановалар да юбилярга бәйрәм уңаеннан котлау сүзләрен ирештерделәр.