Кукмаралылар X Бөтенроссия җәйге авыл спорт уеннарында катнашып кайттылар

8 июльдән 13 июльгә кадәр Воронеж өлкәсенең Нововоронеж шәһәрендә X Бөтенроссия җәйге авыл спорт уеннарының финал ярышлары узды. Анда Россиянең 66 төбәгеннән 2500гә якын спортчы катнашты. Алар арасында Татарстанның җыелма командасы составында чыгыш ясаган кукмаралылар да бар иде. “Зилант” спорт мәктәбендә тәрбияләнүче самбочы егетләргә аеруча уңыш елмайды. Айрат Шәңгәрәев (82 кг.) – икенче, Динар Шәфигуллин (90 кг.) – икенче, Нурфия Зыятдинова (60 кг.) – дүртенче, Гөлнара Бәдретдинова (55 кг.) бишенче урыннарны алдылар. Аларны ярышка тренер Марс Бәдретдинов әзерләде. Гомумкоманда зачетында Татарстан командасы икенче урынны алды. Котлыйбыз!