Район Советы бинасында хезмәтне саклау буенча семинар үткәрелде

Район Советында “Хезмәтне саклау буенча актуаль мәсьәләләрне яктырту һәм эш шартларының торышын, хезмәт, пенсия законнарындагы үзгәрешләрне камилләштерү” темасына багышланган семинар үткәрелде. Семинарда Татарстан Республикасы профсоюзлар федерациясе җитәкчесе урынбасары Марат Гафаров, хезмәт буенча баш техник инспектор Ирина Андина чыгышлары тыңланды. Сүз профсоюз оешмаларының хезмәтне саклаудагы роле, киләсе елдан хезмәтне саклау законнарына үзгәрешләр кертеләчәге, бу өлкәдә таләпләрнең катгыйлануы турында барды.