Муниципаль районнар Кукмара муниципаль районы

Кукмарада алтынчы спорт мәйданчыгы куллануга тапшырылды

2014 елның 19 августы, сишәмбе

Волейбол һәм баскетбол уеннары өчен корылган әлеге мәйданчык “Зилант” спорт мәктәбе бинасы артында төзелде. Универсиада корылмаларын төзүдә актив катнашкан өчен Татарстан Президенты һәм “Бердәм Россия” партиясе тарафыннан бүләк ителгән әлеге мәйданчыклар спорт сөючеләр өчен күп мөмкинлекләр тудыра. Моңа кадәр ачылганнарында да иртәдән кичкә кадәр яшьләр өзелми.

Мәйданчыкны ачу тантанасында Татарстан Дәүләт Советы рәисе урынбасары Римма Ратникова, район башлыгы Рауил Рәхмәтуллин, “Строй–Гарант” төзелеш оешмасы җитәкчесе Илсур Шәрипов һ.б.лар катнашты.

-Районыбызда балаларга һәм яшьләргә спорт белән шөгыльләнү өчен бөтен мөмкинлекләр бар. Боз сарае, “Ялкын”, “Зилант” спорткомплексларыннан тыш, мәктәпләрдә спорт залларын төзекләндерү бара. Ачык мәйданчыклар да футбол, волейбол һәм башка спорт төрләре белән шөгыльләнүчеләргә уңайлыклар тудыра. Аларның кадерен белеп, балалар һәм яшьләр буш вакытларын файдалы итеп үткәрсеннәр иде. Сәламәт буын – безнең киләчәгебез. “Бердәм Россия” партиясе алып барган сәясәт тә шуңа юнәлдерелгән, - диде үз чыгышында район башлыгы Рауил Рәхмәтуллин.

kukmor-rt.ru

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Исегезгә төшерәбез, Банк кешбэгына НДФЛ салынмый

Банк кешбэгы-банк лояльлек программалары кысаларында алынган акчалар яки бонуслар. Мондый керем салым салына торган дип танылмый һәм НДФЛдан азат ителгән. Кешбэк алынган ситуацияләр искәрмә булып тора: • гавами оферта кысаларында түгел; • хезмәт мөнәсәбәтләре кысаларында; • хезмәтләр күрсәткән (эшләр башкарган, товарлар китергән) өчен түләү сыйфатында. Россия Федераль салым хезмәтенең Татарстан Республикасы буенча идарәсе банклардан кергән керемнәргә кертемнәр буенча процентлар (счетлардагы калдыклар) рәвешендә салым салынуын искә төшерә. НДФЛны исәпләү өчен нигез булып банкларның салым органнарына тапшырган белешмәләре тора. Бу белешмәләр белән физик затның шәхси кабинетында танышырга мөмкин – » керемнәр турында белешмәләр « - »кертемнәр буенча процентлар". Мәгълүмат банк тарафыннан физик зат тарафыннан алынган барлык процентларның гомуми суммасы белән бер ел эчендә аерым кертемнәр, счетлар буенча бүленмичә бирелә. Әгәр мәгълүматлар салым түләүче белешмәләренә туры килмәсә, төгәлләштерү өчен банкка мөрәҗәгать итәргә кирәк. Кертемнәр буенча процентларга салым салым органнары тарафыннан банклардан алынган мәгълүмат нигезендә исәпләнәчәк һәм салым уведомлениесенә кертеләчәк. Игътибар итәбез, керемнәр буенча процентлар рәвешендәге НДФЛ салым органнары тарафыннан 2025 елда әле исәпләнмәгән. Шул рәвешле, массакүләм мәгълүмат чараларында таратыла торган салым органнары банк кешбэгына НДФЛ сала башлаган дигән мәгълүмат чынбарлыкка туры килми. Банк исәпләп чыгарган керем турында сораулар туганда салым түләүчегә кредит оешмасына мөрәҗәгать итәргә киңәш ителә.

«Олимп» спорт мәктәбендә 2026 елда тренерларны, ата — аналарны һәм бәйрәм геройларын берләштергән тантаналы чыгарылыш кичәсе узды

Яз - спорт сезонына йомгак ясау гына түгел, озак еллар осталыкның югары ноктасына җиткән кешеләр белән дә саубуллашу вакыты. «Олимп» спорт мәктәбендә 2026 елда тренерларны, ата — аналарны һәм бәйрәм геройларын берләштергән тантаналы чыгарылыш кичәсе узды.

Башлангыч сыйныф командалары арасында хәрби һәм хезмәт батырлыгы елына багышланган хоккей турниры узды.

2026 елның 10 апрелендә башлангыч сыйныф командалары арасында хәрби һәм хезмәт батырлыгы елына багышланган хоккей турниры узды. Турнирда Кукмара шәһәренең «Ягуар», Аш-Буҗиның «Ак Бүре», Теләче авылының «Барсы», Арчаның «Арча», Мари-Төрекнең «Восток» командалары катнашты

ЭКОяз-2026

ЯҢАЛЫКЛАРГА ЯЗЫЛУ