Республика турнирында Кукмараның спортчы егетләренә тиңнәр булмады

“TATFIGHT” һөнәри көрәш лигасы кысаларында Зур Кукмарадагы “Ялкын” спорткомплексында республика турниры үткәрелде. Программада киокусинкай каратэ, сугшычан самбо, татфайт, кикбоксинг бар иде.

Әлеге чарада район башлыгы Рауил Рәхмәтуллин, Россия Сугышу сәнгате берлегенең Татарстан Республикасы буенча филиалы Президенты, “ТАТФАЙТ” һөнәри көрәш Лигасының мактаулы президенты, Татарстан Президенты ярдәмчесе Фәрхәт Хөснетдинов, ТАТФАЙТ” һөнәри көрәш Лигасы, Татарстан Республикасы Комбат үзоборона Федерациясе президенты Михаил Харитонов, Татарстан Республикасы җәмәгать эшлеклеләре берлеге президиумы рәисе, Россия Сугышу сәнгате берлегенең Татарстан Республикасы буенча филиалы башкарма комитеты җитәкчесе Александр Даренков, Татарстан Яшьләр эшләре һәм спорт буенча министрлыгының әйдәп баручы консультанты Дмитрий Дорогов һәм башкалар катнашты.

Турнирда киокусинкай каратэ буенча кукмаралылар – Шәүкәт Җамалиев, Альберт Шәңгәрәев, Марсель Сөләйманов, Рәмис Сәгъдиевлар җиңү яулады.