Кукмарада Татарстан Дәүләт Советы рәисе Фәрит Мөхәммәтшин булып китте

Бүген районыбызга Татарстан Дәүләт Советы рәисе Фәрит Мөхәммәтшин һәм бер төркем кунаклар килде. Алар Пчеловод авылындагы сэндвич-панель җитештерү цехының төзелеше белән таныштылар, 140 урынлы “Кояшкай” балалар бакчасында булдылар, поселоктагы 260 урынга исәпләнелгән балалар бакчасына нигез ташы салу, Зур Кукмарадагы күпфункцияле үзәкне ачу тантаналарында катнаштылар. Шулай ук Фәрит Мөхәммәтшин район активы белән дә очрашты, сорау-тәкъдимнәргә тукталды.