“Зилант”та стритбол ярышы узды

“Зилант” спорт мәктәбендә стритбол буенча ярышлар үткәрү матур традициягә әйләнде. Быелгы ярышларны оештыручы һәм иганәче “Интерметтрейд” җәмгыяте иде.

2000-2001 елгы яшь категориясендә “Өмет” (Алия Вахитова, Әдилә Сафина, Әдилә Газизова) - кызлар, “Майями Хит” (Никита Николаев, Максим Исаев, Хәлим Алимов) - малайлар, 2002-2003 елгылар арасында “Нырья” (Кристина Кильмурзина, Нәргизә Исмәгыйлева, Алевтина Ишматова) - кызлар, “3, 4, 5” (Шамил Зәкиев, Раиф Шафиков, Данил Ильин) малайлар командалары җиңү яулады. “Интерметтрейд” җәмгыяте вәкиле Илгиз Галимуллин һәм спорт ветераны Артур Зәкиев җиңүчеләргә кубок, мактау кәгазьләре, бүләкләр тапшырдылар.