Районыбызның бер төркем җитәкчеләре һәм хезмәт алдынгылары "Пирамида"да бәйрәмдә катнашты

Казанның “Пирамида” мәдәни-күңел ачу үзәгендә авыл хуҗалыгы һәм эшкәртү сәнәгате хезмәткәрләре көненә багышланган бәйрәм чарасы үткәрелде, анда районыбыздан да бер төркем җитәкчеләр һәм хезмәт алдынгылары катнашты. Кукмара республикада иң яхшы ун район исемлегендә бара, ә Вахитов исемендәге һәм “Урал” хуҗалыклары иң җитештерүчән эшләүчеләр буларак билгеләп үтелде. “Урал” хуҗалыгы савымчысы Миләүшә Мәхмүтова исә иң күп сөт савуы белән танылды.