"Тылсым"да шахмат-шашка буенча сайлап алу турниры үтте

“Тылсым” халыкка социаль хезмәт күрсәтү үзәгендә мөмкинлекләре чикләнгәннәр арасында шахмат-шашка буенча сайлап алу турниры узды. Ярыш нәтиҗәләре буенча хатын-кызлар арасында беренче урынга Валентина Борисова чыкты. Ир-егетләр арасында беренчелекне Альберт Сәләхов алды, икенче-өченче урыннарны Хәйдәр Гарипов һәм Николай Большовлар бүлеште. Җиңүчеләр турнирның зона һәм республика этапларында катнашачаклар.