Янгынга каршы режим кертелде

Татарстан Республикасы Министрлар Кабинетының 09.12.2014 елгы 965 санлы карары нигезендә агымдагы елның 15 декабреннән киләсе 2015 елның 10 гыйнварына кадәр республикабыз территориясендә янгынга каршы режим игълан ителде. Бу вакыт эчендә сәнәгать, транспорт объектларыннан, ягулык-энергетика комплексларыннан (шул исәптән – линиялесеннән)1000 метр арада, шулай ук торак-коммуналь хуҗалык, авыл хуҗалыгы объектларыннан, халык күп була торган урыннардан 100 метр арада пиротехник эшләнмәләрне куллану тыела. Бу таләпләрне бозган өчен гражданнарга 2 мең сумнан алып 4 мең сумга кадәр, вазыйфаи затларга 15 мең сумнан 30 мең сумга кадәр, юридик затларга 400 мең сумнан 500 мең сумга кадәр штрафлар каралган.

Фәнил СӘГЫЙТОВ,

район янгын күзәтчелеге җитәкчесе