Ветераннар һәм инвалидлар өчен сабантуй үтте

“Тулы канлы тормыш белән яшәү” проекты кысаларында Кукмара районының “Тылсым” халыкка социаль хезмәт күрсәтү үзәге каршында тоз бүлмәсе җиһазландырды. Аны 26 июньдә тантаналы рәвештә ачтылар. Шул ук көнне узган Сабантуйда инвалидлар кайбер спорт төрләрендә көч сынашты. Тоз бүлмәсе ясалма тоз микроклиматы шартларында дәвалауны күздә тота. Ул кискен һәм хроник бронхит, үпкә ялкынсынуы, бронхиаль астма, тире авыруларыннан интегүчеләргә киңәш ителә. “Тулы канлы тормыш белән яшәү” проекты белән без республика Хөкүмәте грантын оттык һәм әлеге акчаларга тоз бүлмәсен җиһазландырдык, - ди “Президент белән бергә” республика хәрәкәтенең җирле бүлеге активисты Инна Баһавиева. - Безнең хәрәкәт мөмкинлекләре чикле кешеләргә ярдәм күрсәтүгә юнәлдерелгән барлыгы 20 проект әзерләде. Шунысын да искәртәсем килә: әлеге категориягә караган гражданнарны кайгырту – Рөстәм Миңнехановның һәрдаим игътибар үзәгендә»