Муниципаль районнар Кукмара муниципаль районы

Манзараста яшәүче Кристина һәм Раушан Хәсәновларга Ана капиталы алу өчен сертификат тапшырылды

2015 елның 30 июне, сишәмбе

Район ЗАГС бүлегендә Манзарас авылында яшәүче Кристина һәм Раушан Хәсәновларга Ана капиталы алу өчен сертификат тапшырылды.
Гаиләгә тормыш итү өчен берникадәр ярдәм итү - торак-көнкүреш шартларын яхшырту, балаларга югары уку йортында белем алу, балалар бакчасы өчен түләү, әнинең киләчәк пенсиясе өчен өстәлмә буларак бирелүче сертификатның өч меңенчесе Хәсәновлар гаиләсенә бирелде. Раушан “Кукмара” агрофирмасының алдынгы механизаторы булып танылса, Мари-Элдан килеп, безнең якларда төпләнгән Кристина – тегүче. Гаиләдәге өлкәннәрне хөрмәт итеп, күп итеп терлек, кош-корт асрап яшиләр. Рамзанны алар биш яшьлек Камиләгә энекәш итеп апрель аенда алып кайталар.
Хәсәновлар гаиләсен район Башкарма комитет җитәкчесенең социаль мәсьәләләр буенча урынбасары Рузалия Галиева, район пенсия фонды җитәкчесе урынбасары Зөһрә Нәбиева, “Кукмара” агрофирмасы директоры Ришат Хәнәфиев, район Загс бүлеге җитәкчесе Зөлфия Латыйповалар тәбрикләделәр, матур теләкләрен җиткерделәр.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Татарстан Республикасы территориясендә метеорологик күренешләрнең интенсивлыгы турында консультация-кисәтү

Татарстан Республикасы территориясендә метеорологик күренешләрнең интенсивлыгы турында консультация-кисәтү.

Әдәби сәгать: “Яздан аерып булмый Тукайны”

22 апрель көнне Кукмара үзәк китапханәсендә, Габдулла Тукайның туган көне, 140 еллык юбилее уңаеннан , “Яздан аерып булмый Тукайны” дигән әдәби сәгать үтте. Әлеге чарада Кукмара районы Поч-Кучук урта мәктәбе укучылары һәм “Салават күпере” иҗат берләшмәсе әгъзалары, катнашты. Китапханәче Саттарова Лилия Рәис кызы шагыйрьнең тормыш юлы иҗаты, аның турында кызыклы фактлар белән кыскача таныштырып китте. Укучылар һәм кунаклар Тукайның шигырьләрен, җырларын аудио язмада тыңладылар. Тукай иҗаты буенча әзерләнгән викторина сорауларына җавап бирделәр. Шулай ук кичәдә “Салават күпере” иҗат берләшмәсенә йөрүче якташ язучылар үзләренең Тукайга, туган телгә багышланган шигырьләрен укыдылар. Кичәдә Г.Тукай тормышы һәм иҗаты турында электрон презентация күрсәтелде, китап күргәзмәсе эшләде. Әлеге чара Г. Тукайның “Туган тел” җырын бергәләп башкару белән тәмамланды.

апрель, 2026 ел

Консультация - кисәтү метеорология күренешләренең интенсивлыгы турында 22 сәгатьтән 2026 елның 23 апрелендә 08 сәгатькә кадәр “Төнлә һәм 23 апрель иртәсендә республиканың көнчыгыш районнарында юлларның аерым участокларында бозлавык ясалу.

Методист Фирая Галиева тәрбияләнүчеләр белән «сак булыгыз, мошенниклар» һәм «кәрәзле телефоннар кулланганда куркыныч хәлләрдән ничек котылырга»дигән темаларга әңгәмә үткәрде

2026 елның 22 апрелендә инструктор-методист Фирая Галиева тәрбияләнүчеләр белән «сак булыгыз, мошенниклар» һәм «кәрәзле телефоннар кулланганда куркыныч хәлләрдән ничек котылырга»дигән темаларга әңгәмә үткәрде.

ЯҢАЛЫКЛАРГА ЯЗЫЛУ