"Нараткай" лагерендә милли культуралар көне

10 август көнне “Нараткай” лагеренда “Халыклар дуслыгы йорты” “Удмурт кенеш” мәдәни иҗтимагый берләшмәсе белән берлектә милли йола, гореф-гадәт һәм мәдәният көне үткәрде. “Удмурт кенеш” берләшмәсе җитәкчесе Зайцева Римма Николаевна балаларны Удмуртия Республикасы флагы, гербы белән таныштырды, удмуртларның гореф-гадәтләре, бәйрәмнәре турында сөйләде. Шулай ук, удмуртларның танылган шәхесләре – безнең якташларыбыз – шагыйрь җырчы Гай Сабитов, авыл хуҗалыгы фәннәре докторы Максим Прокопьев, физика-математика фәннәре докторы Николай Петров, психология фәннәре кандидаты Александр Байметов һәм башкалар турында сөйләде. Лагерда ял итүче балалар рәхәтләнеп Иске Юмья авылы “Вуюись” (“Радуга”) удмурт халык ансамбле башкаруында удмурт, рус җырларын тыңладылар.