“Юл кагыйдәләре белән дус булыйк”

“Президент белән бергә” программасы кысаларында “Шәфкать” сәламәтләндерү үзәгендә ЮХИДИ хезмәткәрләре белән берлектә “Юл кагыйдәләре белән дус булыйк” дип аталган интеллектуаль – спорт ярышы үткәрелде. Балалар ике командага бүленеп юл кагыйдәләрен ни дәрәҗәдә белүләрен күрсәттеләр. Алар “Билгене таны”, “Билгене яса” һ.б. конкурсларда катнаштылар, сорауларга җавап бирделәр, табышмаклар чиштеләр. Капитаннар “Акыллы шнур” конкурсында көч сынашты, ребуслар чиште. Шулай ук спорт эстафетасында да җитезлекләрен сынадылар. “Яшь җәяүле” һәм “Күңелле светофор” командалары уенчылары велосипедта һәм самокатта оста йөрүдә ярыштылар. Ике команда ярышларда да сынатмады, дипломнар һәм истәлек бүләкләре белән бүләкләнде.