Кукмарага Татарстан Республикасы авыл хуҗалыгы һәм азык-төлек министрының терлекчелек буенча урынбасары һәм бер төркем белгечләр килде

Татарстан Республикасы авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов һәм бер төркем белгечләр көндәлек савым республика күрсәткеченнән ким булган “Кукмара”, “Тукай”, "Дружба", “Әсәнбаш”, “Лесной”, “Исток Агро” агрофирмаларында һәм “Үрәсбаш” ярдәмче хуҗалыгында булдылар. Алар сөт җитештерүдә кимчелекләр, малларны ашату һәм азыкның туклыклылыгы, торакларның көзге сезонга әзерлеге, санитар нормалар, савым аппаратларының төзеклеге һәм терлекчеләрнең хезмәт шартлары белән таныштылар. Пленар өлештә җитешсезлекләрне бетерү, сөт күләмен арттыру турында сүз барды.