Район Башлыгы Сергей Димитриев Халыкара өлкәннәр көне уңаеннан ветераннарны бәйрәм белән котлады.

1 Октябрь һәр елны Халыкара өлкәннәр көне буларак билгелән үтелә. Аларга игътибар, хөрмәт, ихтирам күрсәтү көне бу. Районыбызда 15 мең 765 пенсионер яши. Аларның рухи халәтенә, матди халенә, ихтыяҗына, торак-көнкүреш шартларына игътибар күрсәтү – һәрберебезнең изге бурычы. Һәм ул көзнең бер генә көне белән тәмамланмас, ә даими тормышка ашырырлвр дигән ышанычта калам. Хөрмәтле өлкәннәребез! Без сезнең данлы үткәнегез белән горурланабыз, бүгенге көндә республика, район тормышында актив катнашуыгызны югары бәялибез, нык рухлы булуыгызга сокланабыз.Безнең белән булуыгыз өчен чын йөрәктән рәхмәт сезгә. Һәрбарчагызга – лаеклы ялда булучыларга да, үз эшләрен дәвам итүчеләргә дә исәнлек-саулык, сүнмәс яшәү дәрте телим. Алдагы көннәрегез күнел тынычлыгы белән, муллыкта, иминлектә, якыннарыгызның игелекләрен күреп үтсен.