Кукмара сәнгать мәктәбе укучылары Халыкара конкурс-фестивальдә катнашты

Казан Мәдәният һәм сәнгать университетында “Этномириада” дигән Халыкара конкурс-фестиваль узды. Әлеге чарада кукмаралылар да актив катнашты. Кукмара балалар сәнгать мәктәбенең Ләйлә Низамова җитәкчелегендә шөгыльләнүче укучыларның эшләре беренче дәрәҗә лауреат исеменә лаек булды. Сәнгать бүлегенең яшь белгече Гөлнур Исхакова исә әлеге фестивальдән өченче дәрәҗә лауреат исеме белән кайтты. Аерым башкаручыларның да уңышлары сөенерлек. Илназ Гыйльметдинов “Вокал-соло” номинациясендә – дипломант, Ирек Хаммадиев икенче дәрәҗә лауреат булдылар.