“Тылсым” үзәгенең “Гаилә” бүлекчәсендә “Туган көннәр атналыгы” дигән программа тормышка ашырыла. Аның кысаларында узган атнада “Магнолия” кафесында авыр тормыш хәлендәге гаиләләрдә тәрбияләнүче 12 бала (шуларның алтысы туган көн ияләре) өчен хәйрия ашы үткәрелде. Әлеге чараны оештыруда “Импульс” компаниясе, “Консул” сәүдә үзәге, “Балалар дөньясы” кибете, “Магнолия” кафесы җитәкчеләренең өлеше зур булды.