Инвалидлар декадасы кысаларында 3 декабрьдә “Шәфкатьлелек” тернәкләндерү үзәгендә шунда йөрүче инвалид балалар һәм аларның әти-әниләре өчен топиарийлар (зур булмаган агач, интерьер өчен) ясарга һәм талчыбыктан үрергә өйрәтү буенча “Осталар шәһәре” дип исемләнгән мастер-класслар оештырылды. Бу мастер-классларда балалар һәм әти-әниләр табигый материаллар белән эшләргә өйрәнеп, вакытларын файдалы һәм күңелле уздырдылар, өйрәтүчеләр дә алардан күп кенә рәхмәт сүзләре ишеттеләр.