"Шәфкать" тернәкләндерү үзәге хәбәр итә

Инвалидлар декадасы кысаларында Кукмара "Шәфкать" тернәкләндерү үзәге хезмәткәрләре көн саен төрле чаралар үткәрәләр. Шуларның берсе өй шартларында укытуда булган инвалид балалар тәрбияләүче гаиләләргә бару. Бу чара "Минем олимпиада" социаль проектынын тормышка ашыунын дәвамы булып тора.             Проектның җитәкчесе - өлкән шәфкать туташы Габдурахманова Индира Габдулбаровна. Алар белән шәфкать туташы Набиева Лилия Харисовна берничә шундый гаиләдә булдылар һәм балалар белән өйдә спорт-сәламәтләндерү уеннары,  ата-аналар белән әңгәмә кордылар, инвалид балаларны тернәкләндерү мәсьәләләре буенча киңәшләр бирделәр. Һәм, әлбәттә, балаларны баллы  күчтәнәчләр белән сөендерделәр!             Әти-әниләр чын күңелдән тернәкләндерү үзәге белгечләрен рәхмәтләрен белдерделәр. Мондый чаралар алга таба инвалидлар декадасы тәмамлаганнан соң да дәвам итәчәк.