Якташыбыз Фоат Галимуллинга – 75 яшь

29 мартта районыбызда истәлекле вакыйга – якташыбыз филология фәннәре докторы, галим Фоат Галимуллинның 75 яшьлек юбилее уңаеннан тантаналы чаралар үтте. Пычак урта мәктәбендә түгәрәк өстәл артында сөйләшү, шигырь укучылар конкурсы оештырганнан соң, кунаклар район мәдәният йортында очрашуга килде. Тантанага юбилярны котларга Казан һәм Чаллы шәһәрләреннән каләмдәшләре, якыннары, дуслары, аның иҗатын яраткан район халкы җыйналган иде. Район башлыгы Сергей Димитриев якташыбызны Кукмара муниципаль районының Почетлы гражданины исеме бирелүе белән тәбрикләде. Кичә нәфис сүз, җыр-биюләр белән үрелеп барды.