“Тукайлы яз” дип исемләнгән шигырь бәйгесе

14 апрельдә район Мәдәният йортында  үзәк һәм балалар китапханәсе  бөек шагыйрь Габдулла Тукайның тууына 130 ел тулуга багышлап “Тукайлы яз” дип исемләнгән шигырь бәйгесе үткәрде. Әлеге бәйгегә 4 яшьтән алып 16 яшькә кадәрге 106 бала катнашырга теләк белдерде. Алар Тукайның шигырьләрен, әкиятләрен татар, рус телендә яттан сөйләде. Катнашучыларга урыннар дүрт төркемдә: мәктәпкәчә яшьтәге балалар, башлангыч сыйныф, 5-7 сыйныфлар, 8-9 сыйныфлар арасында билгеләнәчәк. Җиңүчеләрнең исемнәре 26 апрель Габдулла Тукайның туган көн бәйрәмендә билгеле булып, аларга дипломнар тапшырылачак.