Районыбызның авыл җирлекләре көч сынашты

29 авыл җирлеге арасында барган район спартакиадасының финал ярышлары 10 апрельдә үтте. Спартакиада спортның сигез төре буенча оештырылды. Нәтиҗәдә беренчелекне Зур Кукмара авыл җирлеге командасы яулады. Икенче урында – Зур Сәрдек, өченче урында – Нырья авыл җирлекләре командалары. Сәрдекбаш, Олыяз, Лельвиж авыл җирлекләре дүртенче-алтынчы урыннарда калдылар. Спартакиададан тулырак язма газетабызның киләсе санында биреләчәк.