“Укучының мәдәни көндәлеге” проектында җиңеп чыгучыларны бүләкләү

Казан шәһәренең “Әкият” курчак театрында “Укучының мәдәни көндәлеге” проектында җиңеп чыгучыларны бүләкләү тантанасы узды. Район үзәк китапханәсенең балалар белән эшләү бүлеге методисты Илзия Харисова әлеге проектта җиңгән 4 укучыны (Ильвира Степанова, Ислам Шайдуллин, Илина Шакирова, Камил Әгъләмҗанов) һәм аларның әти-әниләрен әлеге тантанага алып барды. Программа кысаларында интерактив уен, күпсерияле «Мирас» мультфильмын карау, укучыларның мәдәни көндәлекләреннән төзелгән күргәзмә оештырылды. Соңыннан балаларга «Кәҗә һәм сарык» , «Дюймовочка» спектакльләре күрсәтелде. Балаларга дипломнар, Габдулла Тукайның китаплары, Казан шәһәрендәге “Кырлай” күңел ачу паркына бушлай ял итү өчен юллама тапшырылса, “Иң яхшы культуралы әти-әни” номинациясендә җиңү яулаган Алсу Шәйдуллинага исә диплом һәм Камал театрына ике кешелек чакыру билеты бирелде.