Кукмара музеенда утырма узды

Кукмара туган төбәкне өйрәнү музеенда “Тимер юлга - 100 ел” дигән утырма узды. Музей хезмәткәре Лилия Галимуллина тимер юл тарихы һәм экспозициясе белән таныштырды. Утырмада Казан шәһәренең “Ислам динен кабул итүгә - 1000 ел” исемендәге мәдрәсә һәм “Гадел” мәчете мөгаллимәсе, Өркеш авылындагы “Фәниябикә” мәдрәсәсендә дини-әхлакый тәрбия курсларын оештыручы Фәния Җәләлиева да катнашты. Район дәваханәсенең балалар табибы, мәдрәсә мөгаллимәсе Сәкинә Нәҗипова “Ураза вакытында дөрес туклану” дигән темага лекция укыды. Очрашу бик мавыктыргыч һәм күтәренке рухта үтте.