Китапханә яңалыклары

Күкшел авылы китапханәчесе Фирая Зарипова төрле яшьтәге укучылар өчен “Күңелле ял итәбез” дип исемләнгән чара үткәрде. Балалар интерактив уен биремнәрен чишкәннән соң, татарча мультфильмнар карадылар. Әлеге чараны үткәрүнең максаты: укучыларга кино елы уңаеннан мультфильмнар күрсәтү, кино карауга кызыксыну уяту, интерактив уеннар аша белемнәрен барлау.

Мәмәшир авылы китапханәчесе Зөлфия Габдуллина лагерьда ял итүче  балалар өчен “Күңелле сәяхәт” дип исемләнгән уен-тамаша үткәрде. Укучылар өчен кызыклы уеннар, конкурслар әзерләнде. Алар “Матурлык тудырыйк”, “Оста куллар”, “Халкыбызның милли уеннары”, “Мин укырга яратам” дип исемләнгән тукталышларда сәяхәт итте.

Хәбәрләрне Илзия Харисова юллады.